2025 թվականի մարտից մինչև մայիս ընկած ժամանակահատվածում «ԹԱԹՅՈՍԱ»-ն իրականացրեց ինտենսիվ 2-ամսյա ծրագիր՝ Ռազմավարական զարգացման գործակալության (SDA) նախաձեռնությամբ՝ ուղղված Հայաստանի Տավուշի, Լոռու, Վայոց Ձորի և Սյունիքի մարզերում գործող 13 բիզնեսների գնահատմանը, զարգացմանը և վերագործարկմանը։

Ծրագրի ընթացքում իրականացվեցին հետևյալ առանցքային ուղղությունները՝

• Բիզնեսի գնահատում (Business Assessment)՝ մանրամասն վերլուծվեց յուրաքանչյուր բիզնեսի ներկայիս վիճակը, մարտահրավերները և ներուժը։

• Բիզնեսի զարգացում (Business Development)՝ ձևակերպվեցին հստակ զարգացման պլաններ, առաջարկվեցին նոր ծառայություններ և եկամտի աղբյուրներ։

• Վերապատրաստում (Training)՝ տեղում և առցանց վերապատրաստումներ՝ կառավարման, ծառայությունների բարելավման և հաճախորդների սպասարկման ուղղություններով։

• Գործառնական գնահատում (Operational Assessment)՝ վերլուծվեցին բիզնեսների օպերացիոն պրոցեսները՝ ի հայտ բերելով օպտիմալացման հնարավորությունները։

• Բիզնեսի արդյունավետության չափում (KPIs Calculation)՝ սահմանվեցին հիմնական ցուցանիշներ՝ օգնելու սեփականատերերին հետևել առաջընթացին և կատարել օբյեկտիվ վերլուծություն։

• Ֆինանսական կառավարում (Financial Management)՝ իրականացվեց ֆինանսական համակարգերի վերանայում և եկամուտ-ծախս հոսքերի կարգավորում։

• OTA պլատֆորմների օպտիմալացում և ստեղծում (OTA Optimization & Creation)՝ բիզնեսները գրանցվեցին առցանց վաճառքի հարթակներում (Booking.com, Airbnb, TripAdvisor և այլն), կազմվեցին պրոֆեսիոնալ ներկայացումներ՝ վաճառքների խթանման նպատակով։

• Եկամտի աղբյուրների բազմազանեցում (Increasing Income Sources)՝ բիզնեսների հետ մշակվեցին նոր ծառայություններ և փաթեթներ՝ ուղղված այցելությունների ավելացմանը։
  
  

Այս ծրագիրը ոչ միայն աջակցեց արդեն գործող բիզնեսների վերականգնմանը և արդյունավետության բարձրացմանը, այլ նաև նպաստեց մարզային տուրիզմի և համայնքների կայուն զարգացմանը։

«ԹԱԹՅՈՍԱ»-ն հպարտ է՝ հանդես գալով որպես գործընկեր ու գործնական ուղեկից այս գործընթացում՝ վերակենդանացնելով հյուրընկալության ոլորտը մարզերում։