Հյուրընկալության Նոր Մշակույթ Կոտայքում 

Ծաղկաձորից Մեկնարկեց Ոլորտի Պրոֆեսիոնալիզացիան 

ՀՀ Զբոսաշրջության կոմիտեի վստահությամբ իրականացվող TATIOSA Academy-ի որակավորման ծրագիրը ստեղծում է կայուն զարգացման հիմքեր մարզերում։ 

Հայաստանի հյուրընկալության ոլորտի զարգացման ճանապարհին ևս մեկ կարևոր քայլ կատարվեց։ 2025թ. հոկտեմբերի 6-ից 9-ը Ծաղկաձորում հաջողությամբ ավարտվեց TATIOSA Academy-ի կողմից իրականացվող հյուրընկալության ոլորտի որակավորման և վերապատրաստման ծրագիրը, որը կազմակերպվել էր ՀՀ Էկոնոմիկայի նախարարության Զբոսաշրջության կոմիտեի աջակցությամբ։ 

Գիտելիքներ, Գաղափարներ, Մոտիվացիա

Կոտայքի մարզի այս ինտենսիվ դասընթացը լիովին համապատասխանում է TATIOSA Academy-ի առաքելությանը. ոչ միայն գիտելիք փոխանցել, այլև ձևավորել հյուրընկալության նոր, պրոֆեսիոնալ մշակույթ Հայաստանում։

Դասընթացին մասնակցեցին հյուրատերեր, ոլորտի աշխատողներ և ուսանողներ Կոտայքի մարզից։ Նրանց կողմից ձեռք բերված գիտելիքները և գործնական հմտությունները ուղղված են հյուրանոցային ծառայությունների որակի բարձրացմանն ու հյուրընկալության ոլորտում արդյունավետ աշխատանքի ապահովմանը։

Մաղթում ենք բոլոր մասնակիցներին անսպառ հաջողություններ, նոր այցելուներ և ոլորտում առավելագույն՝ 100% զբաղվածություն իրենց Հյուրանոցներում և Հյուրատներում։ 

վերադառնալ նորությունների էջ