Կրթությունը Եվ Նորարարությունը՝ Ներքին Զբոսաշրջության Ապագայի Հիմնասյունը

Սարօ Թաթյոսը՝ Համաժողովի Խոսնակ 

TATIOSA Academy-ի հիմնադիր տնօրենը «Ճանաչի՛ր Հայաստանը» ցուցահանդեսի շրջանակում քննարկել է մարզերում երիտասարդության ներգրավման և կրթական կարողությունների զարգացման կարևորությունը։ 

ՀՀ Էկոնոմիկայի նախարարության Զբոսաշրջության կոմիտեի աջակցությամբ անցկացվող «Ապագայի ճանապարհ․ ներքին զբոսաշրջության ինովացիաներն ու համայնքային ներուժը» համաժողովը դարձավ հարթակ՝ Հայաստանի զբոսաշրջության ոլորտի առաջատար տեխնոլոգիական և կրթական լուծումները ներկայացնելու համար։

TATIOSA Academy-ի հիմնադիր տնօրեն Սարօ Թաթյոսը հանդես եկավ որպես առանցքային խոսնակ՝ մասնակցելով «Մարզերում երիտասարդության մասնակցությունը ներքին զբոսաշրջության ինովացիաներին» պանելային քննարկմանը։

Ապագայի Տեսլական. Ազդեցություն Մարզերի Վրա

Սարօ Թաթյոսը ներկայացրեց նաև նոր նախագծեր, որոնք էապես կազդեն ներգնա և տեղական զբոսաշրջության վրա՝ ստեղծելով նոր հնարավորություններ ոլորտի ինովացիաներին մասնակցելու համար։

Նորարարական այս գործիքների և ծրագրերի միջոցով TATIOSA-ն կկարողանա.

1. Եկամտի Աղբյուրների Ստեղծում. Հարյուրավոր անհատների համար ապահովել եկամտի նոր աղբյուրներ։

2. Տեղական Զբոսաշրջության Աճ. Խթանել տեղական զբոսաշրջությունը և կտրուկ նվազեցնել այն միջնորդավճարները, որոնք հյուրանոցատերերը վճարում են ամրագրումների համար։

3. Մարզերի Զարգացում. Ավելացնել զբոսաշրջային հոսքը դեպի Հայաստանի մարզեր և բարձրացնել նրանց Միջին Կեցության Տևողությունը (ALOS)՝ դրանով իսկ աջակցելով տեղական բիզնեսների ծաղկմանը։

Իր ելույթի ընթացքում Սարօ Թաթյոսը շեշտեց կրթական կարողությունների զարգացման, երիտասարդության ներգրավման և գործնական թվային հմտությունների կարևոր ուղղությունները՝ որպես Հայաստանի ներքին զբոսաշրջության կայուն աճի հիմնասյուն։

• Կրթական Որակի Կարևորություն. Ներկայացվեց, թե ինչպես TATIOSA Academy-ի վերապատրաստման և որակավորման ծրագրերը, որոնք վստահվել են ՀՀ Զբոսաշրջության կոմիտեի կողմից, ուղղակիորեն նպաստում են համայնքային զբոսաշրջության նախաձեռնությունների զարգացմանը մարզերում։

• Ներգրավված Երիտասարդություն. Կարևորվեց երիտասարդ սերնդի ներգրավման մեխանիզմները՝ նորարարական տեխնոլոգիաների կիրառմամբ, որոնք կբարձրացնեն զբոսաշրջային ծառայությունների արդյունավետությունը։

Նշենք, որ TATIOSA Academy-ն իրականացնում է Հայաստանի Հանրապետության առաջին ամենամեծ Հյուրընկալության ոլորտի վերապատրաստման ծրագիրը ՀՀ Էկոնոմիկայի նախարարության Զբոսշարջության Կոմիտեի աջակցությամբ

Այս ելույթը հաստատում է TATIOSA Academy-ի դիրքը ոչ միայն որպես առաջատար վերապատրաստման կենտրոն, այլև որպես տեխնոլոգիական ինովատոր և ոլորտի ռազմավարական գործընկեր։ 

վերադառնալ նորությունների էջ